• +31(0) 70 3066111

Relatonan di éksito

Tim

Bira un embahador

Orario di konsulta

Registrashon

Freemovers ta hobennan prosedente di Kòrsou ku -na promé instansha- ta muda pa Ulanda riba nan mes (esta sin intervenshon di Kòrsou) pa bin hasi un estudio.
Falta di preparashon emoshonal-sosial i un dominio insufisiente di e idioma Ulandes, ta pone ku hopi biaha e Freemover ta obligá di deskontinuá su estudio. Ta trata na hopi okashon di hobennan ku ta bin sigui un edukashon riba e nivel di MBO 1, 2 òf 3.

E Proyekto Curaçao Freemovers (CFM) ta un inisiativa di Minister Plenipotensiario di Kòrsou, sra. Marvelyne F. Wiels. Komo e representante ofisial di gobièrnu di Kòrsou na Ulanda, sra. Wiels ta sinti su mes responsabel pa e Freemoversnan aki.

E proyekto tin komo mishon pa sostené e Freemoversnan pa asina engrandesé nan chènsnan pa terminá nan estudio aki na Ulanda eksitosamente. Dor di asistí e hobennan aki, den nan propio forsa, den e diferente desafionan ku nan ta haña nan mes enfrentá kuné durante nan estudio na Ulanda, e proyekto CFM ta boga pa alkansá su meta.

Disclaimer
Curaçao Freemovers “ta wòrdu di run” dor di studiante pa studiante. Nos no ta coach registrá c.q. sertifiká. Nos ta fungi komo intermediadó i oido di (prinsipalmente) studiantenan yu di Kòrsou. Si akaso un studiante aserká nos, nos ta hasi nos esfuerso pa guia e studiante aki dor di referi’é na e instansha apropiá. Datonan personal ta wòrdu prosesá kuidadosamente i bou di ningun kondishon lo ser fasilitá na tersera persona, ku eksepshon si un studiante outorisá nos pa hasi esaki.